नेपाली हास्यव्यङ्ग्य अनलाइन पत्रिका

अचम्म छ मानिसको जति ठुलो घर हुन्छ
अशान्त झैँ देखिन्छ ऊ भित्र धेरै डर हुन्छ ।

मान्छेमाथि उसलाई विश्वास नै छैन र त
काँडेतार, पर्खाल र कुकुरको भर हुन्छ ।

सम्पत्तिको पछि लाग्ने आफन्त नै भुल्छ अरे
निर्धो भए, दशा लागे आफन्त नै पर हुन्छ ।

उम्लिएको पोखिन्छ नै ढिलो चाँडो एक चोटि
रोक्न चाहे रोक्न सक्ने दुधभित्रै तर हुन्छ ।

इतिहास हेर्यौँ भने सबै प्रष्ट हुन्छ
सभ्यता नै सिद्धिएर धर्ती खण्डहर हुन्छ ।

आस्तिकले आस्था राख्दा मन्दिरमा ईश
नास्तिकको नजरमा त्यहाँ मात्रै पत्थर हुन्छ ।

सुर्खेत