नेपाली हास्यव्यङ्ग्य अनलाइन पत्रिका

तिम्रो झुट्टो बाचा नानी, कति चल्ला ?
पढ्नु कता न कता हो वेद पुरान बखान्छौ
हामी बस्छौं भोकै तिमी डकार्दै खान्छौ
आशा कति दिन दिन्छौ, अब झर्ला अब झर्ला ।
कति चल्ला ?

धारा फुसफुस गर्ने बिजुली नाम नबल्ने
बुझे सबैले तिम्रो, तालले देश नचल्ने
बूझ पचाई अझ कति बस्छौ यसरी बन्दै झल्ला ।
कति चल्ला ?

गर्धन पहिले काट्थ्यौ अब ता पेटै काट्यौ
नसके चुप भै बस्नू भन किन यसरी ढाँट्यौ
कति दिन बन्ने हामी विदेश जाने गल्ला ।
कति चल्ला ?

काठमाडौं