नेपाली हास्यव्यङ्ग्य अनलाइन पत्रिका

जा जा जा पर जा न आ, वर न आ, प्लेटै नमिल्दा पनि
ल्याए है अभियान मुन्टन गइस्, छोड्दै नछोडे पनि ।
पापी कम्प न आ ठुलो भुल गरिस्, चिल्ली र बिल्ली बन्यो
सर्कारै तगडा कडा वचनले, मुन्टेर धस्की भन्यो ।।१।।

आए है अभियान शब्द—सरिता, यो भेलले बग्दछस्
गिज्याई अपत्यारिलो किन बनिस्, उल्केर झन् हग्दछस् ।
मर्लास् है अपत्यारमा यदि बसे, सर्कार डुग्र्यो अब
कोशै कोश जमाउदै, वचनले सर्कार फुर्क्यो अब ।।२।।

आजै गर्दछ घोषणा तर यहाँ, कामै हुने रे पछि
नीति–प्लान बनाउने सहमतै, होला अझै झन् पछि ।
ढीलो हुन्छ भनेर दैत्य अहिल्यै, चम्काउलास् कम्पन
सर्कारी अभियान हेपिन गए, पर्लास् महा—बन्धन ।।३।।

धादिङबेँसी