नेपाली हास्यव्यङ्ग्य अनलाइन पत्रिका

कहाँ मिल्छन् मान्छेहरू, मिले जस्तो गर्छन्
सामुन्नेमा ठिक्क पारी, पछि आँखा तर्छन्

अझ बढी छत्तीस् हुन्छन् ठूला ठूला मान्छे
जीवनभरी, कलहको बिउ मात्रै छर्छन्

कोही हुन्छन् घुसघुसे कैंची चलाउने
शुभलाभ हुने भए, कोढ़ीपाउ पर्छन्

आत्मीयता, हार्दिकता हुन्छ सिर्जनामा
उल्टो उल्टो व्यवहार गर्न अघि सर्छन्

अजम्बरी ठानेका छन्, हेर, आफूलाई
मर्नु अघि यी अभागी पटकपटक मर्छन् !

चितवन