वासुदेव पाण्डेयकस्तो कस्तो….
न डोरी न धागो न त्यो केशजस्तो
न धक्का न मुक्का न भो ठेसजस्तो
तिमी छद्मभेषी गरूँ के भरोशा
न उद्दण्डजस्तो न छौ वेशजस्तो
गरेछौ नयाँ एक वक्तव्य जारी
न बिन्ती न आज्ञा न आदेश जस्तो
अनौठो छ त्यो खेल खेल्छौ तिमी जो
न डण्डीबियो झैकक न त्यो चेसजस्तो
जता मिल्छ मौका उतै ठीक्क हुन्छौ
न छौ वामपन्थी न काङ्ग्रेसजस्तो ।
सुर्खेत
Subscribe
Login
0 Comments
Oldest
