नेपाली हास्यव्यङ्ग्य अनलाइन पत्रिका

महान अपराधी
बाँचिरहेछ समाजमा
निर्धक्क भएर
पैसाको कारण
अनि
फितलो कानुनको फाइदा उठाएर
हरेक नारीको हत्या गरेर
ज्यान मारेर
बलात्कार गरेर
निर्घात कुटपिट गरेर
तर
लाग्दैन कानुन
पक्रिदैन कसैले
अझै हिँडिरहेको छ समाजमा
ऊ
खुल्ला भएर सडक
अनि गल्ली गल्लीमा
केबल
पैसाले कानुनबाट बचेर
नाबालिका माथि बलात्कार गर्ने
हरेक नारिको हत्या गर्ने
सम्पत्तिको नाममा आमा मार्ने
बाबू मार्ने
दाजुभाइ मार्ने
महान अपराधी !
कानुनले उसलाई कुनै सजाय दिँदैन
दण्ड दिँदैन,
जरिवानाको त कुरै छाडौँ
केबल
पैसाको बिटो देखाएपछि
बच्छ ऊ
पत्येक कानुन र सजायबाट
किन बच्दैछन् यस्ता अपराधी ?
ज्यान मारा,
बलात्कारी
भ्रस्टाचारी,
नारी शोषक ?
हरेक प्रश्नलाई
मनका कुण्ठामा बान्दै
तेरो फितलो नियम
र
कानुनबाट आक्रोशित बन्दै
सरकार
तँलाई एउटा प्रश्न,
यदि
ज्यानमारा
बलात्कारी
यौन शोषक
अपराधी
भ्रष्टाचारी
अनि
हत्यारालाई कैद हुन्न भने
कानुन लाग्दैन भने
पैसाले नियम तोडिन्छ भने
अपराधी खुल्ला भएर
बाँच्न पाउछ भने समाजमा
यो
ऐन
नियम र,
कानुन कसका लागि ??

भोजपुर