नेपाली हास्यव्यङ्ग्य अनलाइन पत्रिका

दारी ! कटाए पनि बुढो बुढै हो
चस्मा सजाए पनि बुढो बुढै हो

त्यो ओइलेको कमल झैं फुलेको
लट्टा ! रँगाए पनि बुढो बुढै हो

दाँतै लगाऊ जति अनार जस्ता
ती दाँत लाए पनि बुढो बुढै हो

दामी सुगन्धी अतर बासनाले
काखी बसाए पनि बुढो बुढै हो

छाती डँडाल्नो कुम र पाखुरामा
टाटू ! बनाए पनि बुढो बुढै हो

गिर्दो जवानी छ भर के बुढाको
कन्यै लठ्याए पनि बुढो बुढै हो

जे जे खुवाऊ छिन जवान बन्ने
यार्चा ! खुवाए पनि बुढो बुढै हो !!

काठमाडौं