नलेख्ने किन ?
लेख्ने मोड थिएन आज तर हा ! घोच्यो कसैले मन
जागा पारिदिएर ईख थपियो, फाल्दैछु क्यै गन्थन ।
गाली लेख्न हुँदैन क्लिष्ट रचना, कोर्दै नकोर्नू अब
सारा बुझ्न सकून् पढेर रचना, राखिन् शुभेच्छा जब ।।१।।
जो जो लुट्छ खुला र चुस्छ जनता, निन्दा नगर्ने किन ?
जो जो कुट्छ र चुट्छ कानुन भने, गाली नगर्ने किन ?
छोरी बैनी र सङ्गिनी पनि लगी, बेच्ने विदेशै पुगी
त्यस्ता भ्रस्ट र दुस्ट आदत मरून्, भन्दै नलेख्ने किन ? ।।२।।
धादिङवेँसी