नेपाली हास्यव्यङ्ग्य अनलाइन पत्रिका

जियम भन्छन्
ग्यास आउँछ
तेल पनि पाउँछ टनका टन
कति चाहिन्छ बाबु फटाफट भन
उर्लियो मान्छेको हजारौँ हुल
आज पनि हिस्स बुढी खिस्स दाँत
थुक्क आइल निगम, फेरि अप्रिल फुल ?

मन्त्री भन्छन्
पेट्रोल पम्पमा छ टनाटन
अब सबलाई दिइन्छ दनादन्
होइकियो भटभटे खोज्दै तेल
आज पनि सरकारको उस्तै खेल
जता कुदे पनि सुख्खै छ मूल
थुक्क सरकार, फेरि अप्रिल फुल ?

यातायात भन्छ
तेलको भाउ घट्यो
अब गाडीको पनि भाडा घट्छ
तर बसमा चढन गयो
हिजोको भन्दा आज झन बढ्छ
एउटा छ कुरो अर्को छ रुल
थुक्क यातायात, फेरि अप्रिल फुल !

प्रजातम्त्र राम्रो हुन्छ भने भएन
लोकतन्त्र आए हुन्छ भने भएन
गणतन्त्र आए हुन्छ भन भएन
नयाँ संविधान आए हुन्छ भने भएन
खाली नेता बनेका छन हुलका हुल
थुक्क नेता, फेरि अप्रिल फुल !!

जो सरकारमा आए पनि
जनतालाई सधैं मुर्ख बनाई रहने
अप्रिल फुल आज भए पनि
सरकार सधैं अप्रिल फुल मनाइ रहने
संविधान संविधान भने
संविधान भनेको त देखाउने कुखरा फुल
तर यो त रहेछ कौवाको फुल
थुक्क संविधान, फेरि अप्रिल फुल !!

दाङ, हाल : काठमाडौं