नेपाली हास्यव्यङ्ग्य अनलाइन पत्रिका

१ सभासदका दिन

दुईचार महिना
सभासद भएकोमा
रमाउनमा बित्यो
दुई-चार महिना
राम्रो मन्त्री पाउन
मालिकको पाउ
समाउनमा बित्यो
दुईचार महिना
एउटा घर बनाउनलाई
कमाउनलाई बित्यो
दुई-चार महिना
जानलागेको सभासद
थमाउनलाई बित्यो
बाँकी दिन
सरकार ढलेपछि
नयाँ सरकार फेरि
बनाउनमा बित्यो ।

२ घुसमन्त्र

सकेसम्म
हरियो नोटको पोको
नसके कालो बोको
त्यो पनि नसके
तरकारी एक डोको
नत्र भने हाकिम साहब हुनुहुन्न
भए पनि निदाउनु भाछ
खाली हातले उहाँलाई छुन्न ।

३ दान

मान्छेकै रगत चुसी
मान्छेलाई रक्तदान
बनी ब्यापारी दिएको
कस्तो यो माहादान ।

४ प्रतिपक्ष

देशको बिकास
असहमति
जनताको बिकास
नियापत्ती
गाउको बिकास
ठुलो आपत्ति
टोलको सुधार
हाम्रो आपत्ति
कमिसनमा खास
छ सहमति ।

५ सरकारी पद

कोही पाई बौलाउने
कोइ नपाई बौलाउने
झुसे झासे जो पनि
यो खाई मौलाउने ।

६ सरकारी ऋन

धनीले लिए सहयोग
गरीबले लिए ऋन
धनीले नतिर्दा आयोग
गरीबले नतिरे बन्धकी छिन् ।

७ गनतान्त्रिक गन

पहिले
मलाई फाल्न
तिमीले पटकायौ गन
अहिले
फालिएपछि
म पटकाउदैछु गन
तिमीले पटकाए पनि
मैले पटकाए पनि
आखिर तर्साउने हो जन
बुझोन न जनता पनि
कस्तो हुन्छ गणतान्त्रिक गन ।

काठमाडौं