डा. विप्लव ढकालब्यालेट बक्सभित्र
ब्यालेट बक्सभित्र के छ ? 
शिशिरको बूढो रुखझैँ
लगलग काँपिरहेका छन्— {{read_more}}
उम्मेदवारहरू !
पार्टीका कार्यकर्ताहरू !
समर्थक र मतदाताहरू !
ब्यालेट बक्सभित्र
जे पनि हुनसक्छ !
कुनै डरलाग्दो
अजिङ्गर हुनसक्छ !
जसले डस्न सक्छ
राष्ट्रको भविष्य !
कुनै खतरनाक
नरसिंह हुन सक्छ !
जसले भत्काउन सक्छ
अहङ्कारको छाती !
यदि सत्यको बाटोमा
हिँडेका छौ भने
नडराऊ, ढुक्क हौ !
ब्यालेट बक्सभित्र
हाम्रा एकीकृत
सपनाहरूको शक्ति छ !
विवेकको शक्ति छ !
विचारको शक्ति छ !
चाँडै थाहा हुनेछ—
ब्यालेट बक्सभित्र के छ ?
२०७४ वैशाख ३०
Subscribe
Login
0 Comments
Oldest
