नेपाली हास्यव्यङ्ग्य अनलाइन पत्रिका

हेर त पागल हो कि त्यो चोकमा को हल्लिँदै छ ?
एक राष्ट्रप्रेमी राष्ट्रको शोकमा पो हल्लिँदै छ ।{{read_more}}

धेरै दिन भएजस्तो छ त्यसले खानै नपाएको
गएर सोध त त्यसलाई, भोकमा जो हल्लिँदै छ ।

मेरो फाइल घरी यता हुत्तिन्छ घरी उता
देखेनौ हाकिमसाहेबको तोकमा त्यो हल्लिँदै छ ?

परदेशबाट बाकसमा सुतेर छोरो आयो
तर भन्सारमा परेर रोकमा यो हल्लिँदै छ ।

पत्नी निट भोडका पिएर नि शान्त, पति भने
थोरै वाइन मिसाएको कोकमा जो हल्लिँदै छ ।

धेरै हँसाएर कति त्यसको हुर्मत लिनु र
मैले सुनाएको एउटै जोकमा भो, हल्लिँदै छ ।

तिमी आफै पिपलपाते भइदिँदा नै आज
मेरो समर्थन पनि त्यै झोकमा हो, हल्लिँदै छ ।

बुटवल