धनराज गिरीछ तेरो रजाई अरे काठमाण्डू
छ तेरो रजाई अरे काठमाण्डू
गनायौ बढी नै हरे काठमाण्डू !
हसुर्ने छ बानी छ लोभी अनौठो
हुने भो बिरामी भरे काठमाण्डू !
तँ जान्ने तँ ठूलो मनीषी तँ ज्ञानी
कहानी यही नै छ रे काठमाण्डू !
न सोझा अटाए न भोला अटाए
अहो धुन्धुकारी सरे काठमाण्डू !
उही ताल तेरो उही चाल तेरो
तँलाई सबैले चरे काठमाण्डू !
बनी राजधानी गरिस् मोज धेरै
त्यसैले त दागा धरे काठमान्डू !
न भो जून तेरो न भो घाम तेरो
सबै देव खाडी झरे काठमाण्डू !
चितवन
Subscribe
Login
0 Comments
Oldest
