प्रेम ओली ढकलपुरेतैँ गधा त भइस्
एकदिन आमाले गुनासो पोख्दै भनिन्
बलिया बाङ्गा गधाहरूलाई
खाडीतिर फाल्नु पर्याछ {{read_more}}
कामनकाजका गधाहरूलाई
मन्त्री बनाइ पाल्नु पर्याछ ।
डाक्टर इन्जिनियर बन्ने गधाहरूलाई
युरोप अमेरिकातिर हाल्नु पर्याछ
ठगीखाने ढाँटीखाने गधाहरूलाई
संसद सभासद बनाइ
मै बुढीलेपाल्नु पर्याछ ।
क्षमतावान्, कर्मवान गधाहरूलाई
ग्रीनकार्ड पिआर दिएर
अमेरिका क्यानडा पठाउनु पर्याछ
बुद्धु पाटे अल्छी गधाहरूलाई
स्याहारेर दिन कटाउनु पर्याछ ।
तेजिला जोसिला तेन्नेरी गधाहरूलाई
विद्यार्थी भिसामा भए पनि
जापान अस्ट्रेलियातिर फाल्नु पर्याछ
स्वाँठ लठेत गधाहरूलाई
यो देशमा मन्त्री प्रधानमन्त्री बनाइ पाल्नु पर्याछ ।
यस्तै हो भने अब
मेरो मुहार फेरिएला जस्तो छैन
एकदिन कसो राम्रो नहोला भनेको
खै त्यो दिन हेरिएला जस्तो छैन
तैँ गधा रहेछस्
न अमेरिका गइस् न अस्ट्रेलिया गइस्
यत्रो दिन यहीँ बसेर पनि
न सभासद भइस् न मन्त्री भइस्
तर ठिकै छ अरु गधा नभए पनि
मेरो साथ रहने कम्सेकम तैँ गधा त रहिस् ।
दाङ, हाल : काठमाडौं
Subscribe
Login
0 Comments
Oldest
