नेपाली हास्यव्यङ्ग्य अनलाइन पत्रिका

आफ्नाहरू नि भएछन् पराई अचम्म लाग्छ
किन टाढिन्छन् बदनाम गराई अचम्म लाग्छ ।

आफ्नै हातले छातीमा छुरी धसेर मारेपछि
भन्छ मेरी, प्रेमीका हराई अचम्म लाग्छ ।

यहाँ अन्जान किन आफ्नै मानिन्छ होला ?
धर्को सिन्दुर शिरमा भराई अचम्म लाग्छ ।

आफ्नै स्वतन्त्रतामा पछि हटेर मान्छेहरू
बाँचिरहेछन् किन ? डराई डराई अचम्म लाग्छ ।

जलेको दिलमा अझै राँको झोसेर ‘मृत्यु’
यहाँ गर्छु भन्दैछ बसाई सराई अचम्म लाग्छ ।

जहदा, नवलपरासी