मरुभूमि नारायणदोबाटोमा पार्नु भो
ठीक छ मित्र उचालेर पछार्नु भो
म भुसतिघ्रेलाई खुट्टो बटार्नु भो ।
देखाउनु भो सपना औंशीको जून झैं
उचालेर पाखामा पानीमा बजार्नु भो ।
वास्तवमा तपाईं मान्छे महान् हो
स्वास्नीको लुङ्गी झैं भुइँमा लतार्नु भो ।
अक्सिजनको जोडेर श्वास प्रश्वास
थुती सिलिण्डर मरेपछि मार्नु भो ।
धन्य ! तपाईं प्रभु नै हुनुहुन्छ गाँठे
सुँगुरको पुच्छर समाई वैतरनी तार्नु भो ।
तपाईंको वर्णन गर्न कसले सक्ला
स्वर्ग न त नर्क दोबाटोमा पार्नु भो ।
तनहूँ
Subscribe
Login
0 Comments
Oldest
