लाजको डर
सन्दर्भ :: नारीदिवस
“पढेर के गर्छेस् छोरी ?” बाबाको प्रश्नमा मेरो जवाफ थियोे; “म लाजदेखि डराउँछु ।”
उहाँ सोच्न थाल्नुभयो । म थप्न थालेँ-
– लाजदेखि डर भएन र हामीले देस बेच्यौ ।
– पुर्खाको मर्यादा बेच्यौ ।
– आमाको गुन्यौचोली बेच्यौ ।
– नरनारी विभेदको महाजाल बुन्यौ ।
म भन्दै थिएँ । उहाँ सुन्न नसकेर कान थुन्न थाल्नुभयो ।
त्यसपछि म चुप लागेँ र आज पुनः बोल्दै छु; “कानुनमा हैन व्यवहारमा हामीलाई समतामूलक समानता चाहियो ।”
२०७८/११/२४
कक्षा दस, श्री जनता मावि प्राविधिक,
गोलबजार, सिरहा ।