नेपाली हास्यव्यङ्ग्य अनलाइन पत्रिका

कृष्ण शर्मा सुमु :

छोरा : बाबा मलाई पनि राजनीतिक सिकाउनु ।
नेता : पर्दैन तँ नेता नहुनू, पढ राम्रोसित ।
छोरा : होइन बाबा मलाई राजनीति सिक्नु छ ।
नेता : पर्दैन पर्दैन तँ यो छलकप्ट काम नगर ।
छोरा : मलाई सिक्नु छ ।
नेता : (हार मान्दै) लु यो पहिला पाठ सिक….
(नेता भित्तामा हात राख्छ)
लु यसलाई हिर्का….

छोरा : होस् बाबा तपाईंलाई दुख्छ ।
नेता : राजनीति सिक्नु छ भने हिर्का ।
छोरा : (धेरैबेर सोचेपछि).
भित्तामा भएको हात छाम्दै बाबा तपाईंलाई दुख्छ ।
नेता : छिटो हान् ।
छोरा : शरीरको पूरा तागत लगाएर प्रहार गर्छ ।
नेता : (हात भित्ताबाट तुरुन्तै हटाई दिन्छ ।)
खालि भित्ता छोराको हात बजारिन्छ र रगत सरि हुन्छ ।

छोरा : बाबा तपाईंले चिटिङ्ग गर्नु भयो ।
नेता : छोरा राजनीतिको पहिलो पाठ यही हो । कसैलाई विश्वास नगर्नु ।
धोका दिने तेरो छेउछाउको नै हुन्छन् । राजनीतिमा छोराछोरी, बाउआमा कोही, केही हुँदैन ।

(पर्दा खस्यो)
०००
सिलगुडी, भारत