घुटुमा घुटु…
मनमा मिले सरकार, नत्र त के को दरकार । मिलेर चलाउँं देशलाई, चुनाव सकियो भरखर..... ।
गीतकार र गायकसँग माफी माग्दै ‘कुटुमा कुटु सुपारी दाना’को भाकामा ।
घुटुमा घुटु विदेशी रक्सी घुटुमा घुटु ——- २
अलकत्रा खान्छौ कि पेटै कालो छ
घाँटी कालो छ हजुर, फोक्सो कालो छ
सम्धिको पजनी भै सक्यो जेठानको पालो छ ।
दर्शन पस्यो गिदीमा, कसरी पस्यो धमिरो
सुन्तोला रोप्या पार्टीमा कसरी उम्र्यो बिमिरो २
बालुवाटार लान्छौ कि थैलो भारी छ —-
बोरा भारी छ हजुर सुटकेश भारी छ
अर्थ न वर्थ गोविन्द गाई झुसे दारी छ २
घुटुमा घुटु—– २
यो पाँच वर्ष भित्रमा, सर्कार नबनाइ भा छैन
कोसँग जोड्ने गलपासो, त्यो पनि टुङ्गो ला छैन
घुटुमा घुटु ——–२
देशको ढुकुटी मैसित तेत्तीस तोला गलामा
कसरी बढार्ने भकारी, कसले सक्छ र कलामा
आलु खाने जन्तालाई, उसिनी सके नेताले
घण्टी र लौरो हल्लाउँदै, देश जोत्न लागे केटाले
घुटुमा घुटु——— २
मनमा मिले सरकार, नत्र त के को दरकार
मिलेर चलाउँं देशलाई, चुनाव सकियो भरखर २
घुटुमा घुटु——–२
०००
काठमाडौं