पदम भण्डारीयौवन बेच्ने पसल
भर्भराउँदो जवानी त, अरुले नै लुटिसके बाँकि रहेको केहि रहल-पहल थापेको छु ।
पदम भण्डारी :
कसले भन्छ गुणस्तर, कमसल थापेको छु
आउनुस् आउनुस् एकदम, असल थापेको छु ।१।
मेरो ज्ञान सिप केहि, काम नलाग्ने भएपछि
सर्टिफिकेटहरूको, फसल थापेको छु ।२।
आँफूसँग जे छ, त्यहि नै बेच्ने हो नि
सडक छेउ यौवन बेच्ने, पसल थापेको छु ।३।
ने.रु. भा.रु. हैन डलर, खाएर बनाएका
पाखुरा र तिघ्राका, मसल थापेको छु ।४।
भर्भराउँदो जवानी त, अरुले नै लुटिसके
बाँकि रहेको केहि रहल-पहल थापेको छु ।५।
०००
Subscribe
Login
0 Comments
Oldest
