नेपाली हास्यव्यङ्ग्य अनलाइन पत्रिका

पदम भण्डारी :

म बाहेक सबै गलत, भ्रम छर्न गवाई दिनुस्
झुटको खेति गर्नुस्, सत्यलाई चपाई दिनुस् ।१।

तपाईको भाषणले, मेरो रोग निको हुँदैन महाशय
मलाई मेरो रोग, निको हुने दवाई दिनुस् ।२।

बिरामी भएर काम नगरि, घरमा बसेको छु
गाँस टिप्नलाई गाह्रो छ, कुनै उपाय थमाई दिनुस् ।३।

सुखमा हुँदा कमि थिएन, साथ दिनेहरूको
सागर तर्नु छ दुःख पर्दा, हात समाई दिनुस् ।४।

आशा अनि भरोसाको, केन्द्रमा हुनुहुन्थ्यो
भनेकै हो तपाईंले, खुट्टा नकमाई दिनुस् ।५।

मुखमा जे आयो त्यहि, नबोलि दिनुस् महाशय
कम्तिमा जख्मी घाउमा मलमपट्टी त लगाई दिनुस् ।६।

०००
चितवन