नेपाली हास्यव्यङ्ग्य अनलाइन पत्रिका

लक्ष्मण नेवटिया :

१.
प्रेम हो आत्मा-आत्मा बीचको सम्बन्ध
प्रेम हो दुई मुटु बीचको वाचा अनुबन्ध
प्रेमबिना स्वासहीन हुन्छ जान्छ शरीर
फेरि प्रेम नै गर्न किन यतिको प्रतिबन्ध ।

२.
स्वार्थी दुनियाँले बुझेर पनि बुझ पचाउँछ,
सत्यको तातो फलाम खल्तीमा लुकाउँछ,
यहाँ नियम कानुन बन्छन् नै तोडिनलाई,
जसलाई जोगाउनुस् झन् उसैले डुबाउँछ ।

३.
नदिएमा बलिदान,हुन सक्दैन राष्ट्र गतिमान।
देखाउदा अभिमान बढ्न सक्दैन स्वाभिमान
राष्ट्रभक्तिको पहिचान हुन सक्दैन परिधानले
गाएर मात्र कीर्तिगान,बन्न सक्दैन कीर्तिमान।

४.
पैसा हुँदैमा फजूलखर्चमा बगाउने किन ?
झुठो फुटानी दुनियाँलाई देखाउने किन ?
पैसाको दुरुपयोग, महारोग भै फैलिदो छ,
दुःखसुखको साथी हो पैसा लुटाउने किन ?

०००
विराटनगर