काशीनाथ मिश्रितभ्रष्टाचार हुन्छ
कहिले उत्तरले पेल्छ कहिले दक्षिणले पेल्छ छिमेकीबाटै हामीलाई किन सधैँ प्रहार हुन्छ ।
कान्छा तिवारी :
आउ मिलि युद्ध गरौँ कि वार हुन्छ कि पार हुन्छ
कलमको भाषा नबुझेसी हातमा तरबार हुन्छ ।
प्रायः त्यो देशको जनताले कहिल्यै सुख पाउँदैनन्
जुन देशमा नेपालको जस्तै जस्तै सरकार हुन्छ ।
कमजोर नसम्झ वीर गोर्खालीका सन्तान हौँ हामी
जाग्नु पर्यो भने हरेक नेपालीको हातमा धार हुन्छ ।
कहिले उत्तरले पेल्छ कहिले दक्षिणले पेल्छ
छिमेकीबाटै हामीलाई किन सधैँ प्रहार हुन्छ ।
सुनको त कुरै छोडौ नुन किन्न सकिँदैन अब
यस्तै भएर होला सबै ठाउँमा भ्रष्टाचार हुन्छ ।
०००
शङ्खरापुर नगरपालिका -४, काठमाडौं
