नेपाली हास्यव्यङ्ग्य अनलाइन पत्रिका

नानु राना थापा :

१.
देश र हाम्रो भाग्यमा यिनैले चलाए गैँती
राजनीति पेसा बनाई ढुकुटीमा भयो डकैती
नाजुक छ स्थिति भाँसिदैछ देश खाडलमा
शासकहरू नयाँ बादशाह हामी भयौं रैती !

२.
प्रकृतिको धनी देशमा जनताहरू छन् भुक्का
पेट नभरिने न गर्जो टर्ने सुनेर उखान टुक्का
जनता मर्दैछ रोग र भोकले अक्सिजन छैन स्वास फेर्न
सुन्दर देशको कुरूप भ्रष्टहरूको भिडमा जन्मिएछु थुक्का !

३.
उखान टुक्का हाल्दै हासिदिन्छन् फिस्सा
जेल बसेको सुनाउँदै ति पूराना किस्सा
प्रमाणपत्र रे जेल बस्नु अपराधी नै किन नहोस्
र त कुकुर झैं लड्दैछन् पाएन भन्दै हिस्सा ।

०००
बेलायत ।