नानु राना थापातीन ठाेक्तक
क्षणिक रमाइलोमा भुली नयाँ नाता जोडेर हिँड्दा हिँड्दैको सिधा र सरल बाटो मोडेर खै, किन उद्वेलित हुँदै हिँड्छन् र मान्छेहरू ? अरूको तोड्नलाई आफ्नै घर संसार तोडेर !
नानु राना थापा :
समय र परिस्थिति एकैनास नहुन सक्छ
आज हाँस्ने मान्छे भोलि उही रुन सक्छ
समयभन्दा बलवान के नै पो छ र यहाँ ?
समयसँगै चल्न जाने चन्द्रमा छुन सक्छ ।
क्षणिक रमाइलोमा भुली नयाँ नाता जोडेर
हिँड्दा हिँड्दैको सिधा र सरल बाटो मोडेर
खै, किन उद्वेलित हुँदै हिँड्छन् र मान्छेहरू ?
अरूको तोड्नलाई आफ्नै घर संसार तोडेर !
हुर्कायो सन्तान पिठ्युमा बोकेर गह्रौँ भारी
पखेँटा लागेपछि उडि जान्छन् क्षितिज पारी
यहाँ प्रकृतिको नियम यस्तै त होला सायद
समस्या हुन्थेन सबैले बुझे आआफ्नो जिम्मेवारी !
०००
बेलायत
Subscribe
Login
0 Comments
Oldest
