नानु राना थापापाँच ठोक्तक
कुनै बन्ने बनाउने दौडधूप र जोडघटाउमा छन् तर जनताहरू भने तिनै नेताको बहकाउमा छन् पानी धमिल्याउँनेहरूको जमात छ हेर यहाँ, त्यही धमिलो पानीमा माछा मार्ने दाउमा छन ।
नानु राना थापा :
१.
झुपडीबाट अहिले शहरमा बनाए दरबार
गठबन्धन गरि जित्छन् जनताकै हुन्छ हार
भन्नलाई त भन्छन् समाज सेवा रे राजनीति
तर समाज सेवा हैन राजनीति भयो व्यापार !
२.
जनतालाई उल्लु बनाएर ढाट्छन् बारम्बार
त्यहीँ ढाट्नेलाई नै दिन्छन् भोट लगातार
बनाउँछौं विदेशी नागरिक भन्छन् कुन दिन
नेताज्यू कहिले भन्ने स्वदेशमै दिन्छौ रोजगार ?
३.
निःशुल्क भिसामा युवा जति विदेश पठाएर
कमाउँछन् जनताको हाड चन्दन झैं घोटाएर
श्रम सम्झौताको नाममा विदेशमा घुम्ने दाउ
देशका बाँकी लाटो सोझोलाई मूर्ख बनाएर ।
४.
युवा जति विदेश पठाउँछु भन्ने
त्यहीँ रेमिट्यान्सको नगद गन्ने
कस्तो राजनीति गर्छौ हे नेताज्यू ?
लाटो देशको गाँडो तन्नेरी बन्ने ?
५.
कुनै बन्ने बनाउने दौडधूप र जोडघटाउमा छन्
तर जनताहरू भने तिनै नेताको बहकाउमा छन्
पानी धमिल्याउँनेहरूको जमात छ हेर यहाँ,
त्यही धमिलो पानीमा माछा मार्ने दाउमा छन ।
०००
बेलायत ।
Subscribe
Login
0 Comments
Oldest
