नेपाली हास्यव्यङ्ग्य अनलाइन पत्रिका

नानु राना थापा :

१.
जीवन जिउँने कला नाटकमा पनि जीवन्त देखेँ
सुरुवात मात्र हैन जीवनको लभभग अन्त देखेँ
धेरै देखेँ र भोगेँ आजसम्म, स्वार्थी रहेछ संसार
पैसा जिन्सी दिदा मात्र खुशी हुने आफन्त देखेँ !

२.
सङ्गत गर्न गाह्रो यहाँ कसैलाई नटेर्नेहरू छन्
मान्छे कसरी चिन्नु प्रायः स्वार्थ हेर्नेहरू छन्
साथी संगतिको त के कुरा भयो र हजुर यहाँ
मागेको कुरा नपाए भगवान पनि फेर्नेहरू छन् ।

३.
गाई नै कहाँ बन्न सक्छ र गधालाई धोएर ?
दोषी कसरी निर्दोष बन्छ र धरधरी रोएर ?
ऐन कानून नचाहिने भो कसम खाए पुग्ने भा
निर्दोष सावित हुन्छ र तामा तुलसी छोएर ?

०००
स्याङ्जा, हाल बेलायत