मात्रिका घिमिरेतीन ठोक्तक
नझुक्नेलाई कसैले भन्दैन त्यो लचिलो छ प्रतिस्पर्धीलाई कसले भन्छ र गतिलो छ ? चिन्न गाह्रो छ कसैलाई पनि आफ्नै गल्ती अरुको गल्तीमा वकिल बन्न त सजिलो छ ।
मात्रिका घिमिरे :
१.
दाउरा बलेर निभे तापनि धेरैबेर ताप रहन्छ
राम्रो गर्नेहरुको समाजमा राम्रै छाप रहन्छ
कमिलाले जति उपदेश कसैले पनि दिदैन
तर पनि उ सधैंभरि नबोली चुपचाप रहन्छ ।
२.
नझुक्नेलाई कसैले भन्दैन त्यो लचिलो छ
प्रतिस्पर्धीलाई कसले भन्छ र गतिलो छ ?
चिन्न गाह्रो छ कसैलाई पनि आफ्नै गल्ती
अरुको गल्तीमा वकिल बन्न त सजिलो छ ।
३.
काठमाडौंमा कोही भन्छन् भन्सार नतिरे सुन छैन
बाजुरामा बस्नेले भन्छन् खानलाई आज नुन छैन
आवश्यकता आफ्नै आफ्नै ठूलो हुन्छ सबैको तर
सोध्दैछन जनताले सेवा दिनेमा किन राम्रो गुन छैन ?
०००
शङ्खमुल, काठमाडौं
Subscribe
Login
0 Comments
Oldest
