मात्रिका घिमिरेतीन ठोक्तक
दूर्योधनलाई सही गलत, राम्रैसँग थाहा थियो तर उसलाई गलत गर्ने, भित्रैदेखि चाहा थियो मूर्खता र घमण्डको, थियो बानी उदण्डको आखिरीमा हुनुपर्ने, कौरवहरूको स्वाहा थियो ।
मात्रिका घिमिरे :
१.
अब तिनको मनको मैलो सकिएछ क्यारे
अस्ति बोक्या विषको थैलो सकिएछ क्यारे
लड्डु नखाई किन चुपचाप बसेका छन् फेरि
धेरै दिनको भाँडभैलो सकिएछ क्यारे ।
२.
दूर्योधनलाई सही गलत, राम्रैसँग थाहा थियो
तर उसलाई गलत गर्ने, भित्रैदेखि चाहा थियो
मूर्खता र घमण्डको, थियो बानी उदण्डको
आखिरीमा हुनुपर्ने, कौरवहरूको स्वाहा थियो ।
३.
भत्केको घर अब कहिले कसो गरी टाल्ने होला
मनको मैलो कहाँ गई कुन खोलामा फाल्ने होला
तानातान र लुछाचुँडीमा छानोबाटै झर्यौ तल
भुइँमा झर्या लहरालाई कसले माथि हाल्ने होला ।
०००
शङ्खमुल, काठमाडौं ।
Subscribe
Login
0 Comments
Oldest
