प्रमाेद भट्टराई प्रतीकसधैँको गाईजात्रा !!
जनताको मत पाएर जनताकै सेवा गर्छु भन्नेहरू, आफ्नो समृद्धिका लागि तिनै जनता लुट्ने रहेछ !
प्रमोद भट्टराई ‘प्रतीक’ :
लोकतन्त्रका संरक्षक, आखिर आफैँ फुट्ने रहेछ
मीठा आश्वासन बाँडेर व्यवहारले त कुट्ने रहेछ !
धारे हात लगाएर जतिसुकै सत्तो सराप गरे पनि,
चुनाव आउँदा कौरव र पाण्डव पनि जुट्ने रहेछ !
स्वार्थ मिल्दा मात्रै रैछ नङ र मासुजस्तै देखिने,
भागबन्डा नमिल्दा सगोलको साथी छुट्ने रहेछ !
जनताको मत पाएर जनताकै सेवा गर्छु भन्नेहरू,
आफ्नो समृद्धिका लागि तिनै जनता लुट्ने रहेछ !
कैले दुई तिहाइ कैले बहुमतको दम्भ देखाए पनि,
जुइनुको ‘प्रतीक’ रहेछ दल, मकाएरै टुट्ने रहेछ !
०००
कौशलटार, भक्तपुर
Subscribe
Login
0 Comments
Oldest
