नेपाली हास्यव्यङ्ग्य अनलाइन पत्रिका

मात्रिका घिमिरे :

१.
मैले सबैसँग हाँसीहाँसी धेरै कुरा खोलेको हुन्छु
कहिलेकाँही मुखौरोले मुहार पनि छोपेको हुन्छु
कसैको अगाडि कहिल्यै रुन्न भन्छु नि तर पनि
मैले गोजीमा रुमाल भने सधैँभरि बोकेको हुन्छु ।

२.
मित्रतामा खाली त्यो जहर मात्रै किन भरेको होला ?
बोल्दाखेरि सहकर्मीलाई आँखा किन तरेको होला ?
जनताको कुनै डर छैन लाज सरम पनि केही छैन
अनावश्यक नचाहिँदा कुरा मात्र किन गरेको होला?

३.
आफू पौरखी भएपछि अरुको आस गर्नै पर्दैन
कसैको भिखले सधैँभरि कसैको नि दुख टर्दैन
सकुनी र मन्थरालाई ल्याएका थिए रे दाइजोमा
कुरा बुझ, दाइजोले कसैलाई पनि राम्रो गर्दैन ।

०००
काठमाडौं