नेपाली हास्यव्यङ्ग्य अनलाइन पत्रिका

देवकी तिमल्सेना र चन्द्रकान्त तिमल्सेनाका सुपुत्र प्रा.डा. पशुपतिनाथ तिमल्सेना २०१३ असोज १६ गते दुराडाँडा, लमजुङमा जन्मिनुभएको हो । हाल काठमाडौं निवासी, नेपाली विषयमा विद्यावारिधि प्राप्त तिमल्सेना पृ.ना. क्याम्पस पोखराका पूर्व क्याम्पस प्रमुख हुनुहुन्छ । २०४१ सालमा ‘पैतलामुनि रगत चुस्ने काँडा’ शीर्षकको रचनापश्चात् नेपाली साहित्यमा प्रवेश गर्नुभएका तिमल्सेना प्राध्यापन सेवाबाट निवृत्त व्यक्ति हुनुहुन्छ । उहाँका ‘जनकवि युद्धप्रसाद मिश्र’ (२०५६), ‘खोजखाज’ (२०७७) र हाम्रो यात्रा (२०७७) कवितासङ्ग्रह लगायत आधा दर्जनभन्दा बढी कृतिहरू प्रकाशित छन् । ‘चिप्लेटी’, ‘लमजुङ सङ्गम’, ‘पोखरा सन्देश’ लगायत थुप्रै पत्रपत्रिकाहरू सम्पादन समेत गर्नुभएको छ । तिमल्सेनाले ‘युद्धप्रसाद मिश्र स्मृति पुरस्कार २०५५’, ‘नेपाल विद्याभूषण पदक क श्रेणी २०६७’, ‘त्रि. वि. दीर्घ सेवापदक, २०६८’, लगायत झण्डै दर्जन साहित्यिक तथा पत्रकारिता पुरस्कार तथा सम्मान प्राप्त गर्नु भएकाे छ । सम्पर्क : ९८५६०३३१४१, इमेल : ptimalsena@hotmail.com