नेपाली हास्यव्यङ्ग्य अनलाइन पत्रिका

बुढ्यौलीका बावुआमा जोखिमको भारी
परनिर्भर हेरचाह जीवन फूलबारी

सन्तानसँग बस्न पाए रमाइलो घर
नत्रभने टाडिएको बृद्धाश्रममा तर

नयाँ पुस्ता कृतज्ञता बुझ्नै गाह्रो मन
आधुनिक जीवनशैली अलग बस्ने पन

सन्तानको दृष्टिकोणमा आस गर्ने चोला
गल्दो उमेर गाँसवास कहाँ हुने होला ?

आश्रयको सपनामा अन्यौलताको डर
आफूखुसी ढुक्क हुन कहाँ पाइन्छ र ?

एकैघरमा हुर्किएका ती आत्मीय जोडी
के थाहा र कहिले उड्छन् पंक्षीले झैं छोडी ?

बदलिँदो परम्परा मायाँमोह जाल
बृद्धबृद्धा असुरक्षा आधुनिक चाल ॥

०००
काठमाडौं