नेपाली हास्यव्यङ्ग्य अनलाइन पत्रिका

डा.लोकेन्द्रप्रसाद पौडेल :

जीवन निरस हुने रैछ अस्सी कटेपछि
रहर थान्को लाग्दा रैछन् जाँगर घटेपछि

हिँड्डुुल गाह्रो पर्ने रैछ उर्जा घटेपछि
गाडी चालक गाली गर्छन् बाटो कटेपछि

महँगीले पिर्ने रैछ बचत घटेपछि
भन्छन् बुढो कति लोभी ? उमेर कटेपछि

मनले दुःख मान्ने नै भो हिम्मत घटेपछि
नाता हल्का हुने रैछ उमेर कटेपछि

जीवन नौलो लाग्ने रैछ औकात घटेपछि
संसार सानो हुने रैछ उमेर कटेपछि

सुन्ने झर्को मान्दा रैछन् विगत रटेपछि
चुपचाप बाँच्नु पर्ने रैछ उमेर कटेपछि ॥

०००
काठमाडौं