साइबर अपराध सम्बन्धी सचेतना सामग्री

आमासँगको अन्तरसम्बन्ध

आज तिम्रो छोरा सबको नजरानामा घमण्डी भाको छ कसैले पैतालोमा नपाएर त होला शान्त बसन आमा मलाई त यो उपनाम खुब निको लाको छ ।

Nepal Telecom ad

राज काफ्ले :

के खाइस्
के लाइस्
काँ सुतिस् बाबू
भन्ने मेरि आमालाई यो खबर पुर्‍याइदेउ
मेरो छोरो भनी छातीमा टाँस्ने मेरी
उनीलाई मेरो यो हाल बुझाइदेऊ ।

छैन म रमाएको परदेशमा
सपना जति उठ्छन्
टुट्छन् फुट्छन्
म तेति डराएको छु आमा
सक्दिनँ, फर्किनँ अहिलेकै भेषमा ।

तिम्रो बर्को, बुलाकी
खुट्टाका खिल
भलिभाती याद छ आमा
धैर्य राख न
छोरो लड्दैछ अघि बढ्दैछ
आउने सालमा पो केही होला कि !

हिजो जस्तै लाग्छ
ठुलाघरे साइँलाले
दोभानमै मुठ्ठी कसेको
सानै त थिएँ आमा
गर्न केही सक्थेन
सम्झना छ
मुर्मुरिँदै थचक्क बसेको ।

हिजो छि ! भन्नेहरू
आज सिधा हेर्ने त भाका छन्
धैर्य गरन आमा
सुन्दैछु
के गर्छ त्यो हँ ?
भन्दै चियोचर्चा गर्न लाका छन् !

आज तिम्रो छोरा सबको नजरानामा घमण्डी भाको छ
कसैले पैतालोमा नपाएर त होला
शान्त बसन आमा
मलाई त यो उपनाम खुब निको लाको छ ।

०००

Subscribe
Notify of
guest

0 Comments
Oldest
Newest Most Voted
Nepal Telecom ad
अब आसिकले परिपूर्ण भयौँ 

अब आसिकले परिपूर्ण भयौँ 

रामशरण न्याैपाने
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
0
Would love your thoughts, please comment.x
()
x