साइबर अपराध सम्बन्धी सचेतना सामग्री

भो जीवनी बन्जर (७)

छोराका सपना सजेर दिलमा आलस्य केही नभै आशीर्वाद छ नित्य उत्तम बनेस् मातापिताको सधैँ जेठाको सुखशान्तिमा कम नहोस् कान्छो भएको घर के गर्ने भर छैन आयु सकियो भो जीवनी बन्जर ।

Nepal Telecom ad

हेम अधिकारी :

बस्छौँ आज बुढाबुढी वटबनी साथी घरै भो अनि
चौतारीसरि भग्न नग्न अब भो, भो रुग्ण यो जीवनी
साक्षी छौँ युगका छ पिप्पल सधैँ साक्षी युगैको बनी
वासन्ती युग सम्झँदै शिशिरको सारा सिरेटो सही ।

जन्माए बरपिप्पलै मिली कति साना बिरुवा यहाँ
फैलाए कति ठाउँ,गाउँघरमा सन्तान आफ्ना कहाँ
एक्ला वृद्ध समाप्तिको दिन सधैँ पर्खेर ती बस्तछन्
हाँगा पात जरा सबै गलित छन् सत्प्रेमले हाँस्छन् ।

हाम्रो जीवनको छ सार तिनमा छायाँ परेको सबै
सारा शून्य छ गाउँ शुष्क दिल छन् छाडे गए ती कतै
चौतारी रुँग वृक्षका युगलले हावाहुरी घाममा
आशा सास छ धान्न खट्नु छ सधैँ यी वृद्धले काममा ।

छोराका सपना सजेर दिलमा आलस्य केही नभै
आशीर्वाद छ नित्य उत्तम बनेस् मातापिताको सधैँ
जेठाको सुखशान्तिमा कम नहोस् कान्छो भएको घर
के गर्ने भर छैन आयु सकियो भो जीवनी बन्जर ।

०००
दमक, झापा

Subscribe
Notify of
guest

0 Comments
Oldest
Newest Most Voted
Nepal Telecom ad
अब आसिकले परिपूर्ण भयौँ 

अब आसिकले परिपूर्ण भयौँ 

रामशरण न्याैपाने
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
0
Would love your thoughts, please comment.x
()
x