होम सुवेदीगणतन्त्र आरती
स्वामी हुन्छन् अति नामी तिम्रो आतरी त्याग्ने सब हुन् प्रतिगामी ॥ नेपाल क्वाप्पम् करुणावतारम् स्वाहा स्वधा भो गणतन्त्र हारम् बसेर लुट्छौ दरबार भित्रे गणाय तन्त्रम् च सदा नमामि ॥ इति गणतन्त्र आरती

होम सुवेदी :
ॐ श्री गणतन्त्र हरे स्वामी श्री गणतन्त्र हरे
आठ वर्ख नन्वाई लँगौटीमा जुम्रा परे ॥
ॐ श्री गणतन्त्र हरे ॥
देश बनाउन खातिर कति कति धेर मरे
स्वामी कति कति धेर मरे
प्रभुका चरण उपासक कति कति पार तरे ॥
ॐ श्री गणतन्त्र हरे ॥
अर्थ लिई लिई भारहरुले हाम्रो राष्ट्र चरे
स्वामी हाम्रो राष्ट्र चरे
देश बनाउन भन्दै तिनले अतिचार गरे ॥
ॐ श्री गणतन्त्र हरे ।
प्रभुका सेवक चाकर हुन्छन् अति नामी
स्वामी हुन्छन् अति नामी
तिम्रो आतरी त्याग्ने सब हुन् प्रतिगामी ॥
ॐ श्री गणतन्त्र हरे ॥
नेपाल क्वाप्पम् करुणावतारम्
स्वाहा स्वधा भो गणतन्त्र हारम्
बसेर लुट्छौ दरबार भित्रे
गणाय तन्त्रम् च सदा नमामि ॥
इति गणतन्त्र आरती
०००
भद्रपुर, झापा
Subscribe
Login
0 Comments
Oldest






































