नेपाली हास्यव्यङ्ग्य अनलाइन पत्रिका

अमर सन्तति :

१.
चोट लाग्न सक्छ नलछार्नुस् न ए हजुर
निर्दयी निष्ठुर बनी नथचार्नुस् न ए हजुर
तपाईं त विश्वास र भरोसा गरेको मान्छे,
काँधमाथि चढाएर नपछार्नुस् न ए हजुर ।

२.
कुरै कुराले धागो बाट्ने गर्नुहुन्छ उहाँ
खुट्टा तान्ने, कुरा काट्ने गर्नुहुन्छ उहाँ
दुनियाँ नै छक्क पार्ने कला अचम्मको
अनुचित काम आँट्ने गर्नुहुन्छ उहाँ ।

३.
जस्केलो खोजीखोजी पस्ने मात्रै छन्
जताततै विष छर्दै डस्ने मात्रै छन्
कसलाई गर्ने विश्वास र भरोसा ए मित्र ?
राखी काखमा तीखो छुरा धस्ने मात्रै छन् ।

०००
रामेछाप, हाल भक्तपुर