नेपाली हास्यव्यङ्ग्य अनलाइन पत्रिका

विदुर अधिकारी :

बुबा सभ्यताका, भलो पात्र जान
यिनैका कृपाले, यहाँ मिल्छ सान
बुझे सत्य वाणी, हुने दिव्य ज्ञान
बुबा हुन् धराका, सुनौला निसान ।
(१)

पिताले दिनेछन् सहारा अपार
बुबा हुन् कलाका भलो सूत्रधार
यिनै हुन् विधाता सबैका इमान
बुबा हुन् धराका सुनौला निसान ।
(२)

फकाई फुल्याई बढाएर पाले
दिई दिव्य शिक्षा धरामा अँगाले
यही जिन्दगीमा सिकाए स्वमान
बुबा हुन् धराका, सुनौला निसान ।
(३)

बुबा आउँदा गेह बन्ने उज्यालो
बुबा छाउँदा हट्न जानेछ जालो
यिनै चेतना दिव्यताका मुहान
बुबा हुन् धराका सुनौला निसान ।
(४)

छ बाबाबिनाको धराधाम शून्य
यिनै सृष्टिकर्ता पुजे मिल्छ पुण्य
खुवाएर पाल्छन् पिताले जहान
बुबा हुन् धराका, सुनौला निसान ।
(५)

०००
रामपुर, चितवन