साइबर अपराध सम्बन्धी सचेतना सामग्री

बाबुआमा (काव्यांश- ५३)

के हो कर्म सही, सुमार्ग कुन हो ? जान्ने इरादा भए । आओ ज्ञान सही म बाँड्दछु भने डाक्छन् लिनेछौ गए।। हुन्छन् प्राप्ति अनेक यो भुवनमा सद्ज्ञान छान्यो भने । पाका ईश्वर रम्दछन् अवनिमा मान्छे विवेकी बने ।।

Nepal Telecom ad

दीनानाथ पोख्रेल :

साठी वर्ष कटेँ म ज्येष्ठ गनिएँ हेप्नेहरू हो सुन ।
हान्दै झापट खेद्छु भ्रष्ट जति छौ डाकाहरू हो सुन ।।
चढ्छन् जोस अनन्त कर्म पथमा उल्टो हिँडे क्वै भने ।
पाका ईश्वर रम्दछन् अवनिमा मान्छे विवेकी बने ।।५६।।

जोजो सत्पथ छान्दछन् भुवनमा मान्छे बनी टिक्तछन् ।।
आशीर्वाद अनन्त मिल्छ गुणको सत्कर्म जो टिप्तछन् ।
यस्ता दिव्य विचार सुन्छ जसले सङ्लेर चोखो हुने ।
पाका ईश्वर रम्दछन् अवनिमा मान्छे विवेकी बने ।।५७।।

राम्रा कर्म गरेर सन्तति चढून् आकाशमा रम्दछन् ।
उठ्ने उन्नत मार्ग खोज्न दिलले खोजीविषे जम्दछन् ।।
दुष्कर्मी सबका कडा सबक हुन् संज्ञान आभा दिने ।
पाका ईश्वर रम्दछन् अवनिमा मान्छे विवेकी बने ।।५८।।

छ्न् शङ्का कृत कर्मका डगरमा फाँडेर पार्छन् सफा ।
अज्ञानी पथ भ्रष्टतातिर झुके यी ऐनझैँ हुन् दफा ।।
प्यारा छन् अभिभावकीय पथका सत्कर्म छान्यो भने ।
पाका ईश्वर रम्दछन् अवनिमा मान्छे विवेकी बने ।।५९।।

के हो कर्म सही, सुमार्ग कुन हो ? जान्ने इरादा भए ।
आओ ज्ञान सही म बाँड्दछु भने डाक्छन् लिनेछौ गए।।
हुन्छन् प्राप्ति अनेक यो भुवनमा सद्ज्ञान छान्यो भने ।
पाका ईश्वर रम्दछन् अवनिमा मान्छे विवेकी बने ।।६०।।

०००
सुम्बेक, इलाम नगरपालिका वडा नं ०२, इलाम

Subscribe
Notify of
guest

0 Comments
Oldest
Newest Most Voted
Nepal Telecom ad
अब आसिकले परिपूर्ण भयौँ 

अब आसिकले परिपूर्ण भयौँ 

रामशरण न्याैपाने
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
0
Would love your thoughts, please comment.x
()
x