नेपाली हास्यव्यङ्ग्य अनलाइन पत्रिका

भावना न्यौपाने :

उठ उठ पाका बाबा आमाहरु हो
जाग जाग पाका बाबा आमाहरु हो।
अब गर्नुपर्छ तपाईंले आफ्नो काम आफैले
अब सार्नुपर्छ तपाईंले आफ्नो पाइला आफैंले।

शरीर हातगोडा जीर्ण भयो त के भयो
मन मस्तिष्क कहिल्यै जीर्ण नपार्नु होस्।
गाउन मन लागेमा गाउनुहोस्
नाच्न मन लागेमा नाच्नुहोस् ।
हात गोडा चलाई राख्नुहोस्
काम गर्न सकुन्जेल गरिराख्नुहोस्।

भजन गाउन मन लागेमा गराउनुहोस्
कविता सुनाउँन मन लागेमा सुनाउँनुहोस्।
आफू जस्तै साथीहरुसँग बस्नुहोस्
आफूजस्तै साथीहरुसँग कुरा गर्नुहोस्।

खान मन लागेका कुराहरु खानुहोस्
घुम्न मन लागेका ठाउँहरूमा घुम्नुहोस्।
भवसागरको बारेमा बुझ्नुहोस्
ईश्वरलाई सम्झनुहोस्।

यस संसारमा आएपछि
मृत्युलाई आत्मसात गर्नुनै पर्छ
भौतिकता, विलासिता र मायामोहमा
कहिले नफस्नुहोस्।

०००
कागेश्वरी मनोहरा, काठमाडाैं ।