नेपाली हास्यव्यङ्ग्य अनलाइन पत्रिका

दीनानाथ पोख्रेल :

ॐ यो यौटा प्रणव ध्वनि हो प्राणको दिव्य अङ्ग ।
जो चिन्दैनन् ध्वनि असल यो राक्षसी शण्डमुण्ड ।।
यो बन्ने होअ,उ र म मिली नासिकामा थुरिन्छन् ।
खेताला छन् अबुझ परका ॐ झिकी फ्याँक्न खोज्छन् ।।०१।।

ॐ यो सिङ्गो भुवनतलको साधनासूत्र दिव्य।
जोजो जप्छन् विधि नियमले खुल्दछन् ‌दिव्य कृत्य।।
जम्मै अट्छन् ग्रहगण यहीँ पिण्ड ब्रह्माण्ड घुम्छन् ।
खेताला छन् अबुझ परका ॐ झिकी फ्याँक्न खोज्छन् ।।०२।।

पैली बोल्ने ध्वनि शुभ भनी शास्त्रले ज्ञान दिन्छन् ।
बोल्छन् धर्मी नरहित हुने ॐ सबै थोक चिन्छन् ।।
चिन्दैनन् ॐ अपठित भए वर्ण सामान्य जोख्छन् ।
खेताला छन् अबुझ परका ॐ झिकी फ्याँक्न खोज्छन् ।।०३।।

नासाले यो ध्वनि किरणमा सूर्यले फ्याँक्छ भन्ने ।
थाहा पाई तर म छु यता स्तुत्य केही नगन्ने ।।
बुझ्ने चेष्टा जनमन गरून् ज्ञानले पूर्ण बन्छन् ।
खेताला छन् अबुझ परका ॐ झिकी फ्याँक्न खोज्छन् ।।०४।।

गाओ गाओ तरुण युगका विश्वमा योग्य छाओ ।
पुर्खानासो भुवनभर नै एक भै छर्न जाओ ।।
आत्मा चिन्ने सडक हितको ॐ जपी सिद्ध बन्छन्।
खेताला छन् अबुझ परका ॐ झिकी फ्याँक्न खोज्छन् ।॥०५॥

ॐ यो गाऔँ ध्वनि मधुरिमा विश्वमा गुन्जिनेछ ।
पुड्‌‌को लाग्ने मनमगजको स्वल्पता सुल्झिनेछ ।।
जङ्‌गी ज्योत्स्ना प्रकृति विधिका ज्ञानका ध्यान जम्छन् ।
खेताला छन् अबुझ परका ॐ झिकी फ्याँक्न खोज्छन् ।॥०६।।

ॐ यो जप्दा बुझ मनुज हो भावना शुद्ध हुन्छ ।
अग्लो बन्दै मन मनुजको शक्तिले व्योम छुन्छ ।
काला जाला हृदयविचका जापले शून्य बन्छन्।
खेताला छन् अबुझ परका ॐ झिकी फ्याँक्न खोज्छन् ॥०७।।

यो ॐ भित्रै भुवनतलकाे सृष्टिको सार घुम्छ ।
ब्रह्मा औ विष्णु शिव यिनको ॐ विषे धार खुल्छ ।
यो ब्रह्माको रुचिकर बुझी चिन्दछन् जाप गर्छन् ।
खेताला छन् अबुझ परका ॐ झिकी फ्याँक्न खोज्छन् ॥७।।

धोई आफ्नो मगज यसले चेतना शुद्ध पार्छ।
आफ्नो काया सबल खुद बनी शक्ति आभा उमार्छ।।
जोजो उठ्छन् युगलयसँगै बोध भै क्लेश धुन्छन् ।
खेताला छन् अबुझ परका ॐ झिकी फ्याँक्न खोज्छन् ।।०९।।

०००
सुम्बेक, इलाम नगरपालिका वडा नं ०२, इलाम