साइबर अपराध सम्बन्धी सचेतना सामग्री

वृद्धमा खुसी फुलोस् वसन्तले भुलाउँदा

डुल्छ सौम्य भावना गरी सुकर्म चाहना । जुट्छ हात प्राप्तिमा गरेर नित्य साधना ।। रम्छ चेत सौख्यले वसन्त द्वार आउँदा । वृद्धमा खुसी फुलोस् वसन्तले भुलाउँदा ।।

Nepal Telecom ad

दीनानाथ पोख्रेल

शान्ति बाँड्‌छ कोइली वसन्त प्रीत गाउँदै ।
फूल फुल्छ बागमा मुसुक्क मुस्कुराउँदै ।।
गर्छ भक्ति विश्वले वसन्त ग्राम आउँदा।
वृद्धमा खुसी फुलोस् वसन्तले भुलाउँदा ।।०१।।

बागभित्र घुम्दछन् रमेर नित्य माहुरी ।
सृष्टिचक्र चाल्दछन् चरा गरी चुरीफुरी ॥
शीतताप नै गए वसन्त यो उदाउँदा।
वृद्धमा खुसी फुलोस् वसन्तले भुलाउँदा ।।०२।।

वृक्ष फेर्छ पालुवा धरा खुलेर हाँस्दछ ।
जाग लम्क कर्ममा वसन्त प्रीत गाँस्दछ।।
फिर्छ रूप बाहिरी वसन्तराज छाउँदा ।
वृद्धमा खुसी फुलोस् वसन्तले भुलाउँदा ।।०३।।

प्रेमपान गर्छ यो धरा खुली वसन्तमा ।
भर्छ शक्ति चेतले नयाँ सुयोग्य कर्ममा ।।
कष्टताप चेतका टिपेर फाल्न पाउँदा।
वृद्धमा खुसी फुलोस् वसन्तले भुलाउँदा ।।०४।।

डुल्छ सौम्य भावना गरी सुकर्म चाहना ।
जुट्छ हात प्राप्तिमा गरेर नित्य साधना ।।
रम्छ चेत सौख्यले वसन्त द्वार आउँदा ।
वृद्धमा खुसी फुलोस् वसन्तले भुलाउँदा ।।०५।।

०००
सुम्बेक, इलाम-२, इलाम

Subscribe
Notify of
guest

0 Comments
Oldest
Newest Most Voted
Nepal Telecom ad
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
नारी एकल छन् भने

नारी एकल छन् भने

झाँक्रीखाेले
0
Would love your thoughts, please comment.x
()
x