नेपाली हास्यव्यङ्ग्य अनलाइन पत्रिका

देवीप्रसाद मिश्र :

नआत्तिई पला पला,बलाे बनी रमाउँछन् ।
कला भरेर कर्ममा थलाे सफा बनाउँछन् ।।
गराैँ अजस्र कर्मकाे विशेषता विवेचना ।
समस्त मातृशक्तिमा हजार लाख वन्दना ॥१।।

छ जन्मसिद्ध साथमा अनन्त कर्मकाे हक।
खिलाउँदै हसाउँने, समस्त वृद्धबालक।।
मुसुक्क मुस्कुराउँदै बढार्दछन् प्रताडना ।
समस्त मातृशक्तिमा हजार लाख वन्दना ॥२।।

छरेर स्वेद कर्मका सिचाउँने वसुन्धरा ।
अभाव टार्न अर्पिने, चलायमान पाखुरा।।
थकानले गलाउँदा नराेकिने सुसाधना ।
समस्त मातृशक्तिमा हजार लाख वन्दना ॥३।।

प्रताड ग्रीष्म, शीतका हटाउँदै निरन्तर ।
बनेर छादनी,ठुलो ,छ नित्य साथमा भर।।
घरानका मुमा तथा बजारका,वराङ्गना ।
समस्त मातृशक्तिमा हजार लाख वन्दना ॥४।।

समाजका विशेषता,अनन्त कार्य लाैकिक।
सँभाल्न मातृशक्तिकाे सहायता छ दैनिक ।।
छ गर्न राष्ट्रले अझै विधानमा विवेचना ।
समस्त मातृशक्तिमा हजार लाख वन्दना ॥५।।

०००
काठमाडाैं