साइबर अपराध सम्बन्धी सचेतना सामग्री

बाँदरको जित

उचाल्ने, पछार्ने र थेचार्ने काम हुँदाहुँदै परिणाम नपत्याउने खोलाले स्वाट्टै हात पार्यो ।

Nepal Telecom ad

-यो जित कसको ?
-बाँदरको ।
-हामीलाई बाँदर !
-चाहिन्छ, चाहिन्छ !
-बाँदरविना गाउँठाउँको विकास !
-हुँदै, भएन ।

झल्लुराम मरन्च्याँसे घोडामा बसेको थियो । अगाडिपछाडि कार्यकर्ताहरू एकोहोरो नारा लगाइरहेका थिए । बाटो उकालोओरालो थियो ।

निकै हिँडेपछि एउटा कार्यकर्ताले भन्यो; ‘झल्लुराम नेताजी, नारा लाउँदा र उकालोओरालो गर्दा घाँटी पनि सुक्यो, पेट पनि खुम्च्यो । उपायको भोटे कुकुर अहिलेसम्म खै फुक्यो ?’

‘जोर माउ बुढी बाख्री बेचेको पैसो छउँन्जेल खाओ । अमृतपानी पिउन चाहिँ पुग्दैन । कुरा बुझ । जितिएछ भने चैँ बुढीसँग मागूँला अनि पेटभरि दानापानी खाउला ।’ झल्लुरामले कार्यकर्तालाई आश्वस्त पार्‍यो ।

अन्ततः चुनाव सकियो । मत गणनामा पार्टीका उम्मेद्वार, गठबन्धन उम्मेद्वार र बागी उम्मेद्वार बीच घमासन भिडन्त हुँदै थियो । उचाल्ने, पछार्ने र थेचार्ने काम हुँदाहुँदै परिणाम नपत्याउने खोलाले स्वाट्टै हात पार्यो ।

यसरी खाउची गाउँपालिका अध्यक्ष पद झल्लुरामको पोल्टामा पर्‍यो । गाउँकै केटो काम गर्ने नजिकैको सहरबाट निस्कने पत्रिकामा छापिएको खबरको शीर्षक थियो- खाउची गाउँपालिकामा बाँदरको जित ।

२०७९-०१-२५

कञ्चनरुप-१२, प्रगतिटोल, रुपनगर, सप्तरी

Subscribe
Notify of
guest

0 Comments
Oldest
Newest Most Voted
Nepal Telecom ad
सिंहदरबारको ढोका

सिंहदरबारको ढोका

लक्ष्मी रिजाल
बाढीको पाठ

बाढीको पाठ

लक्ष्मी रिजाल
क्षितिजको ज्वाला

क्षितिजको ज्वाला

लक्ष्मी रिजाल
मानवता

मानवता

लक्ष्मी रिजाल
0
Would love your thoughts, please comment.x
()
x