डा. टीकाराम पोखरेललोकतन्त्रको अभ्यास
विजेता गधा भने- भेडाहरूतर्फ हेर्दा पनि नहेरी धन्यवाद र आभार प्रकट गर्न सिंहकहाँ पुग्यो । जङ्गलमा लोकतन्त्रको अभ्यास वर्षौदेखि वर्षौंसम्म यसैगरी चलिरहेको थियो ।
जनावरहरूको साम्राज्यमा चुनाव हुँदै थियो । गधाहरू उम्मेदवार बनेका थिए । भेडाहरू भोट हाल्न लामवद्ध थिए ।
स्यालहरू चुनाव गराउन खटिएका थिए । सिंहहरू भने टाढै बसेर भेडाहरूले जोसुकैलाई भोट दिउन् तर हामीले भनेको उम्मेदवारलाई मात्र विजेता घोषित गर्नू भनी स्यालहरूलाई निर्देशन दिइरहेका थिए ।
भोट हाल्ने काम सकेपछि भेडाहरू विजेता घोषणाको प्रतीक्षामा बसे । स्यालहरूले सिंहले भनेका उम्मेदवारलाई विजेता घोषित गरे । आफूहरूकै निणर्ायक भोटबाट उम्मेदवार विजयी भएको ठानेर भेडाहरूले ताली बजाए ।
भेडाहरू विजेतालाई बधाई दिन र विजेताबाट धन्यवाद थाप्न लामवद्ध भए । तर विजेता गधा भने- भेडाहरूतर्फ हेर्दा पनि नहेरी धन्यवाद र आभार प्रकट गर्न सिंहकहाँ पुग्यो ।
जङ्गलमा लोकतन्त्रको अभ्यास वर्षौदेखि वर्षौंसम्म यसैगरी चलिरहेको थियो ।
काठमाडौं
Subscribe
Login
0 Comments
Oldest
