नेपाली हास्यव्यङ्ग्य अनलाइन पत्रिका

ऊ कुख्यात अपराधी, जो सुनदेखि मानव तस्करीसम्ममा संलग्न थियोे । पुलिसलाई सबै कुरा थाहा भए पनि सहि प्रमाणको अभावमा उसलाई पक्राउ गर्न सकेको थिएन । एक दिन बारमा झगडा गर्दैगर्दा उसलाई पुलिसले पक्राउ गरि जेल हाल्यो ।

जेलमै गुण्डाले प्रहरीलाई धम्क्यायो- “मलाई पक्राउ गरि गल्ती गर्नुभयो महासय ! माथिबाट फोन आउदैछ, तपाईंले छोड्न पर्ने हुन्छ । होस गर्नुस् जागिर जाला !!”

गुण्डाको धम्कीले प्रहरीलाई आकुलब्याकुल बनायो । प्रहरीले उसलाई एक झापड लगाए र भने- “एकदम चुप लाग !”

पक्राउ परेको एक घण्टा नबित्दै प्रहरीलाई माथिबाट फोन आयो- “मेरो मान्छे पक्राउ गरि गल्ती गर्दै हुनुहुन्छ ? जागिर खाने रहर भए तुरुन्तै छोडिदिनुस् ।”

माथिको आदेश प्रहरीलाई भारी भयो । प्रहरी गुण्डा छोड्न बाध्य भए ।
गुण्डा मुस्कुराउँदै- “देख्नु भो त महासय मेरो तागत !!”

प्रहरी नजवाफ भए । त्यसको केही क्षणमा पत्रिकामा ठूला अक्षरमा समाचार छापियो- “गुण्डा नाइकेको सत्ता सफत ।” विचरा प्रहरी भने गुण्डालाई स्यालुट हान्नुपर्ने पीडाले छट्पटाउँदै थिए ।

उता सडकमा चर्को नारा घन्किन थालेको थियो- “गुण्डाराज जिन्दावाद ! जिन्दावाद !!”

०००
रातोपुल