नेपाली हास्यव्यङ्ग्य अनलाइन पत्रिका

अन्जु शर्मा  :

दुबै झिं झिं गरेर उड्ने । दुबैको रूप रंग आदि-इत्यादि करिब मिल्दो जुल्दो थियोे । माहुरी सबैको सेवा गर्ने सकरात्मक सोच भएकैले, माहुरीको मह पूजाआजामा प्रयोग गरि माहुरीलाई सन्मान गरिन्थ्यो । तर झिंगा फोहोरी भएकोले झिंगा बसेको ठाउँमा फिनेल छरि सफा पारिन्थ्यो ।

नकारात्मक सोच भएको कारण यो कुरा झिंगालाई मन परेको थिएन । आफू जस्तै माहुरीको संमान हुने तर आफ्नो अपमान हुने कारण उसले माहुरी को “ मह“ भएको पत्ता लगायो।उसले एकान्तमा धेरै सोचविचार गरि “मह“अपवित्र पार्ने योजना बनायो ।

केही दिनयता घरमा पूजापाठ चलिरहेको थियो, झिंगाको आगमनलाई रोक लगाउदै फिनेल छरि सरसफाइ चालुभयो । आफ्नो खानपिन र बासस्थानमा रोक लगाएकोमा क्रोधीत हुँदै झिंगा मह बिटुलो बनाउने सुरमा महमाथि बस्न पुग्यो, अन्ततः महमा खुट्टा गाडिएर जीवन समाप्ति गर्‍ याे ।
हो, यसैगरी अहिलेका नेता र कर्मचारी अरूलाई दोषारोपण गर्ने र आफू चोख्खिने खेलमा एकाएक गरि समाप्त हुँदै छन् ।

०००
रातोपुल, काठमाडौं