विप्लव ढकालअन्तिम परीक्षाको प्रश्नपत्र
मैलेले खेँ— पैसा जीवनका लागि हो ! सायद हामीले सिकेका ज्ञानहरू फरक थिए, कि हामीले देखेका सत्यहरू गलत थिए ? परीक्षाफल प्रकाशित हुन बाँकी छ— को फेल हुने हो थाहा छैन ।
विप्लव ढकाल :
तिमी र म
एउटै कक्षाका साथी हौँ
जीवनभर एउटै पुस्तक पढ्यौँ
एउटै गुरुको प्रवचन सुन्यौँ
एउटै स्कुलमा
एउटै बेन्चमा बसेर
हामीले जीवनभर एउटै पाठ घोक्यौँ
पाठको शीर्षक थियो— पैसा !!
जीवनको अन्तिम परीक्षामा
एउटै प्रश्न सोधियो हामीलाई
तर उत्तरहरू
फरक फरक लेखेछौँ हामीले !
तिमीले लेख्यौ—
जीवन पैसाका लागि हो !
मैले लेखेँ—
पैसा जीवनका लागि हो !
सायद हामीले सिकेका
ज्ञानहरू फरक थिए,
कि हामीले देखेका
सत्यहरू गलत थिए ?
परीक्षाफल प्रकाशित हुन बाँकी छ—
को फेल हुने हो थाहा छैन ।
०००
काठमाडौं
