नेपाली हास्यव्यङ्ग्य अनलाइन पत्रिका

विनोद नेपाल :

‘त्यसपछि मैले राजनीति छाडेँ’ – विगत स्मरण गर्दै उनले भने ‘जब यो साँच्चिकै फोहरी खेल रहेछ भन्ने महसुस गरेँ ’
त्यस्तो महसुस कतिखेर गर्नुभयो त ? – प्रश्नकर्ताले सोधे ।
जवाफमा उनले भने ‘धेरै ढिलो’ ‘त्यसैले त यो हाल भयो ।’

‘चन्दा मागे चन्दा दिएँ, कार्यक्रममा हुने खर्चहरू व्यहोरे, त्यहाँसम्म त ठिकै थियो, उम्मेदवार बनाउने आश देखाए, आश मात्रै देखाएनन् जिताउने आश्वासन पनि दिए, लोभिएँ, उनीहरूले भनेजसो गरिरहेँ’- उनले भने ।

अनि अनुभव नै नभएको क्षेत्रमा त्यसरी लाग्नुहुन्थ्यो त ?- प्रश्नकर्ताले सोधे ।
उनले भने – ‘उही लोभ त हो, लोभले लाभ, लाभले विलाप भन्छन् नि, हो त्यस्तै भयो । दिनभर पसल कुरेर थोपा थोपा बटुल्नु भन्दा एकैपटक घैला भनेँ लोभले नि !’

०००
पाल्पा